مره قلت اجرب اسوي حساب فيس بوك جديد باسم مستعار غير اسمي وادخل واحد من الجروبات اللي فيبه زوجي وجلست فيبه يومين بس الا وزوجي مسوي لي اضافه .. قبلت الاضافه الا وزوجي قده صديقي .. بعدها الرجال ما كذبش خبر نط ساني على الخاص ... و اني بيني وبين نفسي بقول : أنت وقعت وللا الهوى رماك ؟؟ وقعت بحضن أمك و أبوك ! تعال يا قلبو وكل يوم مسوي نفسك مشغول لا ليل ولا نهار فاضي ... وحسابات ومدري ايش وجالس مخزن على اللاب توب وبعد التخزينه على الجوال .. هيا اليوم اجت الفرصه عشان اخرج القديم والجديد طبعا هو بدا يتكلم ويتعرف عليا ويضحك ويناجم واني بضحك معه وبناجمه عادي مش اصلا هو زوجي واني براحتي وبحريتي بتحرك الملعب ملعبي والجمعور جمهوري جلس يغازلني واني اتقبلت الغزل حقه وسكتت وكنت ارسل له ضحكه صغيره وفيس خجول وهو كل يوم يتزايد يرسل لي قلوب وصور وقصايد حق نزار تمباكي مدري حقاني مدري ايش اسمه وكل يوم يفتح لي موضوع وقصص جديده ..... هو بيحسب اني نايمه في البيت كنت احيانا ادخل عله وهو ( منسجم اخر انسماج ) واقول له ايش بتسوي اني ضبحانه اجلس معي قليل .. وهو يرداعذرينا يا حياتي وربي مشغووول على الاخر والمدير الكلب حقنا يشتي التقارير دي بكره الصباح ضروري اهاااا .. قلت لي المدير حقكم الكلب .. طيب طيب ... اني بدات اسوي نفسي مشغوله بالمطبخ اكثر الوقت عشان اعطيه فرصه يتكلم وقده منه اني اشل راحتي بالكلام معه .. هو طبعا مقشنن لانه اني دايما مشغوله .. وهو عايش اللحظه وما عرفنيش خالص مالص .. كل يوم نكت وفرفشه وغزل ومن داك الكلام حق مهند ونور يقوله لي على الفيس هههههههههههه .. وبالبيت منكد عليا عيشتي قد طلع لي قرون من بعد الشمقه حقه والشكاوي من ابسط شي .. استوى ما بعجبوش العجب ولا الصيام بصفر مدري برجب بس على الفيس ايش النعومه ياربااااااااااااه على رومانسيته مشاعر عالية خاليه من الدسم والبقع .. بعد فتره زاد التقارب بيننا والتعارف واني مسهله له كل شي مله قده هو اصلا زوجي ولازم اخذ راحتي معه ... وتعرفنا على بعض اكثر واكثر لما طلب يشوف صورتي !!! واني قلت له مله ما ينفعش ارسل صورتي ومن دا الكلام وهو اسبوع يتفلحس لي ويحايل بي عشان ارضي وراح ارسل لي كرتين شحن عشان افعل النت لانه قلت له النت قده بيخلص عليا ... بعدها ارسلت له صوره بنت حلوه خرجتها من النت .. البنت كانت عارضه ازيا مدري موديل ماركه من الماركات هههههههههه .. هو جنن وهلوس وتهبل مثل المجنون .. مع انه اني في الحقيقه حلوه والحمد لله وبشهاده الجميع واولهم هو لما اجا يخطبني مارضاش الا نخلي الزواج بعد الخطوبه باسرع وقت بس ايش نقول لابو عيون تشتي له خزاق بعيد واني بيني وبين نفسي جالسه اغلي منه اللي اللي نسيني بصوره من النت .. بس قاومت و كملت . بعدها سالني انتي مرتبطه ؟؟ قلت له لا ابدا يا قلبو .. انته قدك دنيتي وحياتي وانا قلبي قده معلق فيبك ولا حد سواك .. قال طيب تتزوجيني ؟؟؟ يا خاين يا مساوخ .. هيا ايش اسوي فيبه دا .. اخرج له من المطبخ ومعي المقلى حق الصيد واهبله على راسه لما يعرف ان الله حق ولا ايش اسوي الان .. لكن لا الصبر الصبر وبكره تندم على ما سويت يا ابوالعيال .. طيب بس انته مزوج وقد معك جهال ..؟ كيف بتسوي واكيد زوجتك بتسوي لك مشاكل ... والمفاجأة قال اسالك بالله لا تذكريناش فيبه قده ما ارتاحش الا لما اهدر معك وانساها .. ذي وحده منكده على عيشتي كلها مشاكل ولو ماحصلت حاجه تتمشكل فيبه تخترع مشكله .. ذا كله كوم وريحه البصل اللي ولا تخرج منه لو اتغسلت حتى بفلاش ... هههههههههههه بفلاش يا كذاب اني اللي ريحتي بصل ولا انته اللي اجت لي لحميسه بنخري من بعد ريحه الكور حقك .. كذاب كذب الابل واني عشت الدور وقلت له خلاص اعطيني فرصه افكر واني برد لك خبر.. خليته اسبوع وهو يتقلقل على جمر .. بعدها قلت له خلاص متى بتجي تخطبني من ابوي .. بس شوف اني اشتي هديه الخطوبه طقم ذهب من النوع الفلاني .. غالي جدا جدا هههههههه .. اني قلت بنفسي بيهمد قليل وبيكن هو وحقه الطيشان .. وبيقفل على الموضوع .. بس كانت المفاجئه انه قال لي طيب ايوه صح الرجال واقع لاذونه فيبي . .المصيبه انه استلف مني فلوس عشان يشتري الذهب مع انه في مع فلوس هو شفتو كيف الواطي بيتزوجني عليا من فلوسي . بعدها رجع يكلمني ويطلب مني العنوان والاسم الكامل حق الاسره عشان يقابل اهلي ويخطبني منهم ويلبسني الذهب اللي اشتراه له .. اني قلت له انته منتبه من زوجتك النكديه لعاد تشوفك ولا تشوف الذهب وتشله وتخرب علينا كل شي ... قال لي اتحداها لو قدها المحقق كونان بكله كمان ما بتعرفش فينه ... اني قلت له ياااخطير ليش فين مخبيه ... قال خبيته بالشنطه الدبلماسيه تحت الكبت حق التسريحه حقه .. قلت له مله يمكن تعرف الارقام حق الشنطه قال لا مستحيل عادنا اليوم غيرتهم .. قلت له واني اضحك بالله ايش خليتهم قال لي بسرعه تاريخ ميلادي هههههههه قلت في نفسي والله وووقعت يا قلبو ههههههههه .. بعدها جلست اتدلع عله يا قلبي يا حياتي يا روحي لانه اصلا هو زوجي ومش حرام انه اقول له كذا ... وقلتله بعده بالله بالله انته ليش حبيتني عشان شكلي ولا عشان ليش بالضبط ؟؟ استغرب من السوال وزعل وقال لي طبعا لا .. انا حبيتك عشان روحك حلوه ودلعك وخفة دمك جذبوني لك وخلونا سافي عليك .. مش زي ام اربع واربعين اللي معي بالبيت .... اما الشكل اخر شي افكر فيبه .. بعدها قلت له طمنتي يا حبيبي علشان كذا اني برسل لك صورتي الحقيقه ؟ قال لي مالك والصوره اللي رسلتيها لي ولا انتي صورتك مش حلوه .. قلت له لا تخاف اني حلوه .. بس انته قوي قلبك .. قال طيب مستنيك .. اني كانت معي صوره لامه مخبياها مخصوص لدا اليوم ارسلتها له...هههههههههه بيبي... بيبي ..حبيبي ...حياتي ... فين رحت فين اختفيت اظهر وبان عليك الامان ؟ وطلعتله الصاله بالويل الاخضر ولابسه طقم الدهب الجديد الحلو اجتله غيبوبة سكر و جلس ليلة بالعناية المركزة و جلس أسبوع فاقد النطق هههههههه بس بصراحة عشت معه احلى شهرين في حياتى ...ههههههههه وذا جزات اللي يمشي وراء هواه .. طقم ذهب عمري ما كنت احلم فيبه
تعليقات
إرسال تعليق